ការសម្រេចចិត្តថាត្រូវទទួលទានអាហារអ្វីនៅពេលព្រឹកអាចជាការសម្រេចចិត្តមួយដ៏ពិបាក។ តែយ៉ាងណាក៏អ្នកមិនត្រូវអត់អាហារពេលព្រឹកនោះឡើយពីព្រោះការមិនញុំាអាហារពេលព្រឹកអាចធ្វើឱ្យអ្នកអស់កម្លាំងធ្វើការ។ តុល្យភាពនៃសារជាតិកាបូអ៊ីដ្រាត ប្រូតេអ៊ីន និងខ្លាញ់អាចនឹងមានលក្ខណៈខុសគ្នាទៅតាមរបបអាហារ និងទម្ងន់របស់អ្នក។ ប៉ុន្តែសារជាតិចិញ្ចឹមនៅក្នុងផ្លែឈើ អង្ករ យ៉ាអួ ពងមាន់ និងប៊័រធញ្ញជាតិអាចផ្តល់ថាមពល ធ្វើឱ្យយើងឆាប់ឆ្អែត ហើយអាចផ្តល់ទំនុកចិត្តក្នុងការសម្រេចចិត្តបានពេញមួយថ្ងៃ។
ទាំងនេះគឺជាគន្លឹះ និងអាហារពេលព្រឹកទាំង9មុខពីអ្នកជំនាញខាងអាហារូបត្ថម្ភ។
កាហ្វេ៖ ភស្តុតាងមួយចំនួនបានបង្ហាញឱ្យឃើញពីទំនាក់ទំនងរវាងការញុំាកាហ្វេ
និងការកាត់បន្ថយហានិភ័យនៃជំងឺរុំាំរ៉ៃដូចជាមហារីកមួយចំនួន ជំងឺថ្លើម
និងជំងឺទឹកនោមផ្អែម។ កាហ្វេក៏មានផ្ទុកទៅដោយសារជាតិអង់ទីអុកស៊ីដង់
និងសារជាតិផ្សេងៗទៀតដែលកាត់បន្ថយការរលាក និងការពារប្រឆាំងនឹងជំងឺផ្សេងៗ។
កាហ្វេអ៊ីនត្រូវបានគេចាត់ទុកថាជាសារជាតិ Ergogenic ដែលអាចជួយពង្រឹងការបង្កើតថាមពលក្នុងរាងកាយ។
តែ៖
ការស្រាវជ្រាវបានរកឃើញសារជាតិក្នុងតែដែលជួយកាត់បន្ថយហានិភ័យជំងឺដូចជាជំងឺទឹកនោមផ្អែម
និងរលាកសន្លាក់។ តែគឺជាប្រភពសារធាតុប្រឆាំងអុកសុីតកម្មដ៏សម្បូរបែបមួយប្រភេទដែលគេហៅថាCatechin
ដែលអាចជួយកាត់បន្ថយហានិភ័យជំងឺមហារីក។
ផ្លែចេក៖ ផ្លែឈើពណ៌លឿងមួយនេះជាពិសេសនៅពេលដែលវានៅខ្ចីតិចៗគឺជាប្រភពនៃជាតិម្សៅដ៏ល្អបំផុត។
ជាតិម្សៅនេះគឺជាប្រភេទកាបូអ៊ីដ្រាតល្អដែលមិនរំលាយ។
ការស្រាវជ្រាវបានរកឃើញថាជាតិម្សៅនេះជួយបង្កើនកម្រិតជាតិស្ករក្នុងឈាមក្រោយអាហារ និងធ្វើឱ្យឆាប់ឆ្អែត។
ផ្លែឪឡឹក៖ ការញុំាឪឡឹកជាវិធីដ៏ប្រសើរមួយដើម្បីបំពេញជាតិទឹកនៅពេលព្រឹក។
ផ្លែឈើដែលសម្បូរទៅដោយជាតិទឹកមួយនេះក៏ជាប្រភពនៃលីកូពីន (Lycopene)
ដ៏ល្អមួយដែរ ដែលវាមានផ្ទុកជាតិទឹកពី 9 ទៅ 13មីលីក្រាមក្នុងមួយកែវកន្លះ។ លីកូពីន (Lycopene) គឺជាសារជាតិចិញ្ចឹមមួយដែលអាចរកឃើញនៅក្នុងផ្លែឈើពណ៌ក្រហម
និងបន្លែដែលវាអាចប្រឆាំងការពារពីជំងឺស្ទះសរសៃឈាម។
ជំងឺស្ទះសរសៃឈាមអាចឈានទៅដល់ជំងឺដាច់សរសៃឈាមខួរក្បាល ឡើងសម្ពាធឈាម
និងជំងឺគាំងបេះដូង។
ស៊ុត៖ គឺជាប្រភពប្រតេអ៊ីន
និងសារជាតិចិញ្ចឹមដូចជាវីតាមីន D។
ទោះបីស៊ុតមានផ្ទុកនូវជាតិកូលេស្តេរ៉ុលក៏ដោយ ប៉ុន្តែមានការសិក្សាមួយចំនួនបានបង្ហាញថាស៊ុតមិនអាចបង្កើនហានិភ័យនៃជំងឺបេះដូងនោះទេ។
ការសិក្សាមួយដែលបានបោះពុម្ភនៅឆ្នាំ 2018
បានរកឃើញថាអ្នកដែលញុំាចូលចិត្តញុំាស៊ុតមានហានិភ័យទាបនៃការកើតជំងឺបេះដូងប្រមាណ11%។
យ៉ាអួរ៖
សម្បូរទៅដោយប្រូតេអ៊ីនដែលធ្វើឱ្យអ្នកឆ្អែតពេញមួយព្រឹក
បាយ៖ បាយមានជាតិសរសៃ វីតាមីន B ជាតិដែក និងសារជាតិចិញ្ចឹមផ្សេងៗទៀត
នំបុ័ងស្រូវសាលី៖
អ្នកអាចញុំានំបុ័ងរបស់អ្នកជាមួយនឹងស៊ុត ផ្លែប៊័រ ឬប៊័រធញ្ញជាតិ។ ខ្លាញ់
និងប្រូតេអ៊ីនដែលនៅក្នុងអាហារទាំងនោះអាចជួយឱ្យអ្នកឆាប់ឆ្អែត។
ប្រភព៖ https://www.health.com/food/the-20-healthiest-foods-to-eat-for-breakfast
